Podes ver unha actuación en directo desta canción no seguinte enlace: VÍDEO

Lémbrome, lémbrome e choro.

Lémbrome do meu tesouro,

lémbrome desta terriña.

da súa xentiña, do meu lar.

En Bueu deixei un amor,

en bou quero regresar.

Os amores verdadeiros

sonche malos de olvidar.

Eu non quero máis camiños

que as estrelas e o mar,

e sentir na miña cara

ese salitre do mar.

Se vou a Bueu nun bou,

Se non vou nun bou, non vou.

Alí teño meu amor,

alí quero regresar. (bis)

Ten cautela mariñeiro,

que te podes afogar.

Este mar feito de bagoas

tanto quita como dá.

Eu xa vivo afogado

lonxe onde eu nacín,

alí teño miña alma,

alí plantei meu xardín.

Se vou a Bueu nun bou,

Se non vou nun bou, non vou.

Alí teño meu amor,

alí quero regresar. (bis)

E que o vento me leve

como cáscara de noz.

Que as ondiñas van levando,

meu destino, meu amor.

Quen mo ía a min dicir,

nesta vida pasaxeira,

doume forza pra vivir

esta vila mariñeira.

Se vou a Bueu nun bou,

Se non vou nun bou, non vou.

Alí teño meu amor,

alí quero regresar. (bis)