Podes ver unha actuación en directo desta canción no seguinte enlace: VÍDEO

Vamos cantarlles un corrido neste ano

de 2008, e ¡que viva o carnaval!

Que nos perdoen se non soa mexicano.

Somos Galegos para ben e para mal.

Nunca nos fallan, cada antroido dan o callo.

Pasan os anos, pero eles sempre están

Berremos xuntos, VIVA, VIVA  XARANGALLO!!!

Reina a alegría por onde queira que van.

De chiquiteo en Marín podes miralos,

con un bo viño e uns taquiños de xamón.

En Vou Nun Bou nunca deixamos de admiralos

en calquer sitio que teñan actuación.

Fai moito tempo que iniciaron o sendeiro.

Naqueles tempos non era facil saír

O seu inxenio consegue cada febreiro

que ó escoitalos nós volvamos a sorrir.

Como interpretan a canción do paragüero.

Con que cariño eles cantan a Marín.

Chegando a casa ¡Teresa canto te quero!

Non lles fai falta vitaminas pra rendir.

Eles prometen non volver a emborracharse

se se lles cola algunhas tazas de máis.

O seu Gavilán faille a un emocionarse.

Son un exemplo para seguir os demáis.

Por moitos anos que sigan de carallada

e criticando as cousas da sociedad,

Saboreando unha boa laconada.

Son Xarangallo paradigma de amistad.

Aquí se acaba este corrido dedicado

a estes maestros que fan arte do cantar,

e che pedimos, por favor San Caralampio

fai que pro ano nos volvamos a topar.